Вучиќ: Нема да има новозаразени ако прекинеме со тестирање

58

Бројките покажуваат дека во Србија има најмногу заразени со коронавирусот од сите земји во регионот, а српскиот претседател Александар Вучиќ објаснува дека тоа е така затоа што во оваа земја се прават најмногу тестирања во сопредба со другите држави.

– Само вчера беа тестирани 7.000 луѓе. Како мислите некоја друга земја од регионот да има повеќе заразени кога скоро сите држави тестираат до 1.000 луѓе? – рече Вучиќ на конференцијата за новинари.

Тој додаде дека најголемиот број земји од регионот тестираат до 1.000 луѓе на ден, но и дека има земји кои воопшто не тестираат.

– Ние можеме утре да прекинеме со тестирање или да тестираме по 300 луѓе дневно, па тогаш ќе имаме само пет, шест, два или три заразени луѓе – истакна Вучиќ.

Доколку преземете содржина од оваа страница, во целост сте се согласиле со нејзините Услови за користење.