По средбата со српскиот претседател Александар Вучиќ американскиот државен секретар, Мајк Помпео, го оцени разговорот како продуктивен, а во врска со дијалогот Белград-Приштина и пристапот на Србија во ЕУ.
Тој ова го напиша на својот профил на „Твитер“ по средбата во Њујорк.
„Нормализацијата на односите со Косово ќе ги зајакне стабилноста и просперитетот на Србија, Западен Балкан и трансатлантската заедница“, наведува Помпео во објавата.
Српскиот претседател по оваа средба исткана дека Србија може да смета на американска поддршка кога станува збор за укинување на таксите и продолжување на дијалогот меѓу Белград и Приштина.
„Зборувавме долго за сè. Тој сакаше да слушне што мисли Србија пред сè за решавање на косовскиот проблем. Ми се чини дека на најкраток и наједноставен начин го претставив ставот на Србија“, напиша на „Инстаграм“ српскиот претседател.
Средбата меѓу Вучиќ и Помпео траела подолго од очекуваното, околу два часа, пренесуваат српските медиуми.
Доколку преземете содржина од оваа страница, во целост сте се согласиле со нејзините Услови за користење.