Додека нашиот пат кон ЕУ излета од колосек, ние остануваме посветени да ги достигнеме ЕУ стандардите. Не можеме да дозволиме оваа негативна спирала да ги загрози самите темели на иднината и просперитетот на регионот. Европската унија оди напред, додека регионот е заглавен во дилемите на самата ЕУ, се дел од пораките кои ги испраќаат тие во заедничката изјава по состанокот во рамки на „Отворен Балкан“
Македонија е одличен пример за неисполнети ветувања на ЕУ. Нејзината влада се обиде да ги исполни условите на Брисел, само за да се најде изолирана и оставена да се носи со последиците од одлуките на ЕУ. Оваа ослабена перспектива на европската интеграција се заканува да не остави дезинтегрирани повеќе од кога било. Чувството е заедничко во целиот регион, велат српскиот претседател Александар Вучиќ, премиерот на Албанија, Еди Рама, и вицепремиерот за европски прашања на Македонија, Никола Димитров, во заедничката изјава што ја потпишаа во рамки на состанокот за иницијативата „Отворен Балкан“.
Во изјавата тие велат дека доцнењето на ЕУ-перспективата го чинела регионот премногу во политичка мисла и порачуваат дека додека Унија развива нови далекусежни стратегии, регионот очајно се обидува да ги спроведе постоечкиот.
Како што велат, Вучиќ, Рама и Димитров, додека нашиот пат кон ЕУ излета од колосек, ние остануваме посветени да ги достигнеме ЕУ стандардите.
„Не можеме да дозволиме оваа негативна спирала да ги загрози самите темели на иднината и просперитетот на регионот. Европската унија оди напред, додека регионот е заглавен во дилемите на самата ЕУ. Европската унија треба и мора да ги истражи сите патишта за побрза интеграција на Западен Балкан во пресрет на пристапувањето, заедно со нејзините заложби за постепено вклучување, како што е дефинирано во новата методологија“, стои во изјавата.
