Српскиот претседател Александар Вучиќ изјави во четвртокот дека со лидерот на босанските Срби, Милорад Додик и со патрјархот на Српската православна црква (СПЦ) Порфириј во текот на денот во манастир во Босна и Херцеговина разговарал за „прашања од стратешки интерес“ за Србите, но одби да прецизира што тројцата соговорници договориле.
Вучиќ допатува во дводневна посета на БиХ, а во четвртокот со Додик и Порфириј зад затворени врати се стретна во манастирот Островица близу местото Србац, во ентитетот Република Српска.
Српскиот претседател потоа за новинарите само ја даде информацијата дека состанокот бил толку „важен и таен“ што тројцата соговорници „насамо и без мобилни телефони“ разговарале „за стратешки работи“.
„Важно е луѓето да знаат дека ситуацијата е тешка“, рече Вучиќ.
Рече и дека притисоците врз Србите во овој период се „многу сериозни“, а дека особен проблем престатуваат западните санкции кои се воведуваат против српските функционери, како што е Додик и неговите најблиски соработници, како и против шефот на српската разузнавачја агенција БИА, Александар Вулин.
„Тоа не престанува прекуноќ, големи се финансиските и економски притисоци“, изјави Вучиќ кој за себеси рече дека е како „шахист кој игра со ограничен број фигури, па нема многу комбинации“.
Српскиот претседател рече и дека Србија го почитува територијалниот интегритет и суверинтет на Босна и Херцеговина, но дека досега не и нема да ѝ го сврти грбот на Република Српска.
Додик од своја страна, пак, за новинарите рече дека тој и Република Српска не го уриваат Дејтон, договорот со кој запре војната во БиХ во 1990-те години, туку дека тоа го правеле Бошњаците и дипломати од САД и од Велика Британија.
Истакна дека против Србите, како и против Русија, се води пропагандна вода за да бидат оцрнети, а притоа за тоа особено ја обини Германија.
Вучиќ и Додик во петок во Бања Лука ќе ги предводат делегациите на состанокот на Советот за соработка меѓу Србја и Република Српска, а потоа заедно ќе учествуваат во одбележувањето на 4-ти август во Приједор кој Србите го одбележуваат како Ден на прогонувањето на Србите од Хрватска.
Доколку преземете содржина од оваа страница, во целост сте се согласиле со нејзините Услови за користење.
