Ситуацијата на Косово врие, Курти се повикува на силата на западните земји, вели српскиот претседател Александар Вучиќ.
Вучиќ, е во посета на Норвешка, каде што денеска и утре ќе разговара со државниот врв.
„Знаете дека Норвешка подобро и попрецизно ја дијагностицира ситуацијата од кој било на теренот и дека некој го чува мирот. Според тоа, разговаравме за Косово, за самиот процес на дијалог. Како и обично, не ја префрлив вината на другата страна“, рече Вучиќ.
Тој вели дека се плаши од идните настани.
„Ситуацијата на север, што се однесува до српскиот народ, буквално зоврива… На Србите им е доста. На сите им е преку глава. Тие малтретираат и мачат луѓе. Кога ќе составите сè, ќе сфатите дека тоа е систематски прогонство, луѓето имаат душа, велат доста е. Курти се повикува на сè што му одговара, во никој случај не се придржува до потпишаното во Брисел“, рече Вучиќ.
Изјави дека квинтата секогаш ќе ги поддржува Албанците на Косово. Србија и Косово влегоа во тензични односи поради регистарските таблички изминатиов период, а запалени беа неколку автомобили на Срби.
Пред неколку дена, шефот на европската дипломатија, Жозеп Борел изјави дека има договори и дека Србија ќе престане да издава регистарски таблички со имињата на градовите на Косово, а Косово ќе ги прекине понатамошните активности поврзани со пререгистрацијата на возилата.
