Српскиот премиер Алаксандар Вучиќ денеска го повика Меѓународниот трибунал за воени злосторства во поранешна Југославија да научи да ја почитува неговата земја.
– Господа, господин Ори (судија Алфонс Ори) и сите во Хашкиот трибунал научете да ја почитувате Република Србија и тогаш ќе продолжи разговорот во согласност со законите на Србија – истакна Вучиќ.
Тој додаде дека „Србија нема на никогo да дозволи да ја понижува“.
– Некој треба да даде одговор на прашањето зошто Здарвко Толимир почина во затвор – наведе Вучиќ, додавајќи оти Белград не добил одговор од Трибуналот за молбата Толимир да биде пуштен на лекување во Србија.