Вулин: Ова е обид да се предизвика граѓанска војна

50

Српскиот министер за одбрана Александар Вулин објави соопштение во кое ги коментира вчерашните протести во Белград.

Според него, за сето ова се виновни опозициските политичари, а за демонстрантите кои синоќа излегоа на улиците вели дека се „хулигани“.

„Бидејќи не се казнети оние кои влегоа со моторна пила во РТС, оние кои ја искористија својата парламентарна функција за да ги разбијат вратите на Народното собрание, затоа што не се казнети оние кои организираа протести за време на вонредна состојба, затоа што никој не беше казнет за блокирање на сообраќајот во Белград и малтретирање на мирните граѓани, ете затоа хулиганите и политичарите кои ги поттикнуваа, дивеаја синоќа во Белград“, напиша Вулин.

Тој нагласи дека „Србија мора да докаже дека во неа владеат закони, а не насилници и политичари кои само насилно можат да влезат во Парламентот“, барајќи да се казнат политичарите.

„Или секој политичар кој повикува на насилство и секој насилник кој синоќа го уништуваше Белград ќе биде пронајден и казнет, или во Србија нема демократија. Србија на насилство треба да одговори со силата на законот“, заклучи српскиот министер за одбрана.

Насилните демонсгтрации во Белград имаат една цел, а тоа е државен удар и државата мора да одговори на адекватен начин, порачува Вулин и додава дека законот мора да го надвладее насилството.

Во изјава за ТВ Пинк Вулин рече дека ова што се случува вечерва во Белград, Нови Сад и други градови е обид да се предизвика граѓанска војна.

Доколку преземете содржина од оваа страница, во целост сте се согласиле со нејзините Услови за користење.