Претседателот Александар Вучиќ изјавил денеска дека очекува големи притисоци по прашањето за решавање на косовскиот проблем и дека е важно Србија по изборите да добие силна влада.
„Но, нема да биде лесно за Србија“, додал Вучиќ и повторил дека во тој процес, Србија исто така ќе треба да биде запрашана.
„Немаме забелешки за разговорите што ги имавме во ЕУ, како и на разговорите со Гренел. Секогаш се обидував да стигнеме до нешто на колку што е можно мирен начин. Ако ги стопираат барањата за прием во Интерпол и други организации, и ние ќе ја запреме кампањата за промена на ставот на земјите за признавање на Косово“, изјавил Вучиќ.
Тој додал дека Хашим Тачи го реализирал сето ова со недвосмислена поддршка на САД и дека негов став би бил да се согласи на разговори само таму каде што учествуваат Американците.
Тој не разбира, како што вели, како сака Приштина да биде на патот на ЕУ, а не сака да разговара со европските претставници.
„За разлика од нас, на кои не ни е дозволено ништо, на нив им е дозволено да прават сè“, изјавил Вучиќ.
Сепак, тој потсетува дека Белград, благодарение на својата паметна политика, го врати прашањето за Косово и Метохија на преговарачката маса, зачувувајќи го мирот во регионот и економски развивајќи ја Србија.
Вучиќ изјавил дека не сака да се занимава со внатрешните односи во албанската политичка заедница, затоа што тоа е нивна работа, додека за Белград е важно Србите од Косово и Метохија да добијат одредени гаранции.
