За Бујар Османи, Емануел Макрон е премиер на Франција

Министерот за надворешни работи Бујар Османи денеска во Братислава заедно со премиерот Димитар Ковачевски оствари средба со францускиот претседател Емануел Макрон.

Објавувајќи фотографии од средбата на Фејсбук, Османи напиша дека се сретнал со премиерот на Франција Емануел Макрон, наместо претседателот на оваа држава.

-Во рамки на ГлобСек во Братислава, заедно со премиерот Димитар Ковачевски, средба со премиерот на Франција, Емануел Макрон, објави Османи.

Објавата подоцна беше коригирана.

Пред само една недела пратеничката од СДСМ, Снежана Калеска Ванчева на социјалните мрежи објави фотографија на која е сликана со претседателот на украинскиот парламент, но во описот таа целосно го згреши неговото име, а го означи и како „претседател на Украина“.

Доколку преземете содржина од оваа страница, во целост сте се согласиле со нејзините Услови за користење.