Според последните објавени податоци на Државниот завод за статистика, во првото тримесечје од 2022 година, активното население во земјава изнесува 811.197 лица, од кои вработени се 691.498, а 119.699 лица се невработени.
Стапката на активност во овој период е 55.3, стапката на вработеност 47.1, додека стапката на невработеност изнесува 14.8.
За споредба, истиот период минатата година, бројот на вработените изнесувал 793.121 лица, а на невработените 150.843.
Или, за една година во државава вработени има помалку за 101.623, а кај лицата без работа бројот е помал за 31.144.
При тоа, стапката на вработеност годинава е истата како и онаа во првото тримесечје лани, 47.1 отсто, а стапката на невработеност се намалила, од 16 отсто лани, на 14,8 отсто за трите први месеци од годинава.
