Генералниот секретар на Владата Мухамед Зеќири не знае дали ќе остане потпретседател на СДСМ по конгресот на партијата.Тој вели дека претседателот на СДСМ по конгресот ќе ги назначи потпретседателите бидејќи тоа е и негова статутарна обврска.
– За тоа дали ќе останам потпретседател на СДСМ ќе треба да го прашате лидерот на партијата – кусо изјави Зеќири.
Тој појасни дека сега има четворица потпретседатели на СДСМ и има можност бројот да се намали, но додаде дека статутарно по Конгресот лидерот на партијата ги назначува потпретседателите.
