За неколку дена ќе се знае дали Челзи ќе може да пазарува во јануари

47

Менаџерот на Челзи, Френк Лампард изјави дека очекува да открие во рок од неколку дена дали неговиот клуб ќе може да привлече играчи во претстојниот зимски трансфер прозорец.

Како што е познато, „сините“ се под ембарго од февруари, при што првичната санкција се два прозорци за трансфер.

Тимот од Лондон минатиот месец поднесе жалба до Арбитражниот суд, а одлука за случајот што се очекува наскоро.

Ако судот пресуди во корист на Челзи, тогаш клубот ќе може да привлече нови играчи во јануари.

– Верувам дека ќе дознаеме многу скоро. Мислам дека ќе биде за неколку дена. Не сум слушнал нешто повеќе, па затоа мора да почекаме за одлука и да видиме што ќе правиме после тоа, изјави Лампард на прес-конференцијата пред натпреварот со Астон Вила утре.

Доколку преземете содржина од оваа страница, во целост сте се согласиле со нејзините Услови за користење.