Заев со честитка за празникот Успение на Пресвета Богородица

Претседателот на СДСМ и мандатар за состав на новата Влада Зоран Заев денеска од Македонска Каменица им го честиташе големиот христијански празник на сите христијански верници, порачувајки дека овој празник е еден од најголемите христијански празници, кој ги слави универзалните човекови вредности меѓу кои почитта, разбирањето и помагањето едни со други.

„Празнувањето на празникот Успение на Пресвета Богородица е празнување на почитувањето, помагањето, разбирањето и сакањето на блиските, на човекот. Нека денеска слаивме и сите денеска пред нас и овие универзални човекови вредности затоа што делејќи разбирање, помагање, почит, љубов према луѓето, према блсиките, спрема нашата околина навистина го прави вреден животот наш за живеење. Овој голем празник го славиме сите христијани затоа што е симбол на нашата вера. Успение на Пресвета Богородица е еден од најголемите наши христијански празници. Нека е за многу години“, рече Заев во честитката до граѓаните од пред храмот Успение на Пресвета Богородица која е заштитничка на општината.

Заев пред изјавата за медиумите го посети храмот во Македонска Каменица заедно со потпретседателот на партијата Љупчо Николовски и министерот за здравство Венко Филипче, каде запалија свеќа за здравје и направија краток разговор со присутните.

Доколку преземете содржина од оваа страница, во целост сте се согласиле со нејзините Услови за користење.