Прв турски војник загина во борбите против курдските борци во Сирија, каде Анкара започна воена офанзива оваа недела, објави турското Министерство за одбрана.
Министерството соопшти денеска дека војникот, „брат по оружје“, е убиен во вчерашните судири против „терористите“ од курдската Единица за заштита на народот во Сирија, во зоната на операцијата „Извор на мирот“.
Турција во средата започна воена офанзива против курдските борци во Сирија.
Советот за безбедност на ОН вчера на итен состанок не успеа да се усогласи за заедничката изјава во која се изразуваше „длабока загриженост“ и ја повикуваше Анкара да ја „запре“ офанзивата.
