Загинаа 62 лица во поплавите во Јапонија , евакуирани стотици илјади луѓе

22

Обилните сезонски дождови се очекува повторно да ја погодат Јапонија денес, додека бројот на загинати како резултат на поплавите и лизгањето на земјиштето на јужниот кинески остров Кјушу се искачи на 62.

Најмалку 17 лица загинаа во Кјушу, каде што рекордните поројни дождови предизвикаа свлечишта и поплави во текот на викендот, објави телевизијата НХК.

Спасувачите биле повикани во градот Јуфу во префектурата Оити, каде надојдената река однела возило во кое се наоѓале четири лица, објави „Кјодо њуз“.

Работниците за итни случаи и војската се обиделе да стигнат до жителите во руралните области на префектурата Кумамото, отсечени од лизгање на земјиштето и поплавите, кои започнаа да ги отстрануваат калта и остатоците од нивните домови и канцеларии.

Според Министерството за земјоделство, од саботата се случиле 179 лизгања на земјиштето, вклучувајќи 48 односно 36 во префектурите Кумамото и Кагошима.

На стотици илјади жители им е наредено да ги напуштат своите домови, додека Јапонската метеоролошка агенција предупредува за лизгање на земјиштето, поплави и надојдени реки. Сепак, многу луѓе избраа да не одат во засолништа поради страв од коронавирус.

Метеоролошката агенција објави дека очекува обилните дождови да продолжат во повеќето делови на земјата до недела.

Доколку преземете содржина од оваа страница, во целост сте се согласиле со нејзините Услови за користење.