Пописот предизвика нов судир меѓу парламентарните партии. Предлог-законот за попис на населението и домаќинствата во 2021 година, претставен пред пратениците во првото читање, според заменик министерот за правда, Агим Нухиу, обезбедува транспарентен и професионален процес.
„Законот што го предлагаме се заснова на принципот на транспарентна постапка за попис, со принципот на неутралност и објективност во текот на сите фази на попис. Ние сме свесни за важноста на пописот на населението, домаќинствата и домовите за сите граѓани, вклучително и за граѓаните на Северна Македонија, кои моментално се наоѓаат во странски земји“, рече Агим Нухиу, заменик министер за правда.
ВМРО-ДПМНЕ проценува дека нема услови за попис во април 2021 година поради кризата со пандемијата. Сепак, тие имаат голем број критики на предлогот. Тие сметаат дека пописот на дијаспората е посериозен проблем, на кој и се спротивставуваат. Не прифаќаат попис врз основа на “државјанство”.
Албанската опозиција ќе гласа за потребата од попис на населението, но има некои забелешки. Велат дека е смешно и бесмислено што слободите и човековите права во земјата зависат од статистиката на пописот.
„Главното прашање за подготовка на пописот е составувањето на прашалникот, а во законот ова го нема, значи право е на Државниот завод за статистика и во овој аспект може да имаме дилеми и евентуални проблеми“, рече Халил Снопче, Коалиција Алијанса за Албанците и Алтернатива.
Парламентарното мнозинство ги поканува пратениците да веруваат во работата на Државниот завод за статистика. Тие велат дека пописот нема да биде политички процес.
Последниот попис во земјата беше направен во 2002 година, а процесот кој беше започнат во 2011 година беше прекинат. Истражната постапка за случајот „Попис“ во кој осомничени беа лидерот на ДУИ, Али Ахмети и поранешниот премиер Никола Груевски под обвинение за оштетување на државниот буџет за 2,8 милиони евра, беше прекинат откако Јавното обвинителство не го докажа кривичното дело.
