Започнува „Училишниот спортски камп 2014“

39

Започнува „Училишниот спортски камп 2014“, кој е во организација на Министерството за образование и наука, Агенцијата за малди и спорт и Федерацијата на училишен спорт на Македонија.

Кампот ќе се одржи во две смени во Охрид и тоа од 23.06.2014 до 28.06.2014 и од 29.06.2013 до 04.07.2014 година.

Првата смена ќе ги опфати најдобрите ученици од спортовите: Футсал, ракомет, борење, стрелаштво, џудо и (машки и женски за основни и средни училишта).

Втората смена ќе ги опфати најдобрите ученици од спортовите: Одбојка, кошарка, атлетика, пинг – понг и карате (машки и женски за основни и средни училишта).

Освен што ќе спортуваат, учениците ќе ги посетат и културните знаменитости на градот Охрид. На училишниот спортски камп ќе бидат застапени практични тренинзи, но исто така и теоретски предавања, а ќе бидат збогатени и со учество на спортски ѕвезди кои ќе помогнат во реализација на активностите.

Тие ќе бидат мотивирани од домашни спортски ѕвезди меѓу кои Пепи Манасков, Наумче Мојсоски, Зоран Бошковски, Марин Докузовски, Јошко Миленковски, Александра Војневска, Дејан Ангеловски и многу други. На кампот ќе се одржат и предавања поврзани со пороците и здравиот живот, антидопингот, исхраната.

Со овие превземени активности од страна на државните институции ќе се овозможат вистински предуслови за младите талентирани спортисти од училишните клупи да продолжат да се занимаваат професионално со спорт и во блиска иднина да станат репрезентативци на Македонија.

 

Доколку преземете содржина од оваа страница, во целост сте се согласиле со нејзините Услови за користење.