Застој на сообраќајот меѓу Каменица и Кочани поради одрон

44

По интензивните врнежи од дожд што го зафатија источниот регион, од утрово повторно е забележлива појава на одрони.

Возачи информираат дека голема карпа од одрони стои испречена на патниот правец од Македонска Каменица кон Кочани со што движењето во сообраќајот е отежнато.

Карпата се наоѓа од десната страна на коловозот и го попречува оној дел на коловозот за возачите кои патуваат кон Кочани. На левата страна постои простор каде можат да поминуваат возилата, но на ризик на самите учесници во сообраќајот, јавуваат возачи.

За одроните е известена екипа на Македонија пат која се упатила на местото на настанатите одрони и се очекува наскоро истите да се расчистат. Сепак од таму апелираат на внимателно возење од страна на учесниците во сообраќајот, бидејќи за време на дожд поради стрмниот терен можни се почести одрони на повеќе места.

На останатиот дел од патниот правец Делчево – Кочани, сообраќајот се одвива по влажни коловози.

Доколку преземете содржина од оваа страница, во целост сте се согласиле со нејзините Услови за користење.