Здруженијата на хронично болните луѓе усогласија критериуми за враќање на работа на овие категории граѓани

Повеќе здруженија на пациенти на утринскиот состанок договорија во заеднички допис до министерот за здравство хронично болните хронично болните да се вратат на работа според одредени критериуми. Затоа како што информираат не сите пациенти со хронични заболувања се со висок ризик: Здруженијата ги посочија следните предлози.

– Дел од хроничните болести кои се со најголем ризик на смртност од КОВИД 19 да останат ослободени од работа (списокот на најризичните хронични болести да биде доставен од соодветните клиники до комисијата за заразни болести);

– За помалку ризичните случаи на пациенти со хронични болести да се одлучува индивидуално (односно потврдата да ја издаде специјалистот соодветно според болеста, лекувањето, работното место на кое се наоѓаат пациентите);

– За специјалистите да може да вршат соодветно контролни прегледи за да издадат потврда, да се обезбедат посебно термини на клиниките (пример втора смена на работа и дисперзија преку субспецијалисти и специјалисти во други градови освен Скопје).

– Комисијата за заразни болести и Министерството за Здравство да објават листа на коморбидитети кои се забележани кај починатите од КОВИД 19 (тие дијагнози соодветно да се ослободат и понатаму од работа).

– При донесување на одлуки за засегнатите пациенти, докторите специјалисти и институциите да ги контактираат соодветните здруженија за да се донесат правилни одлуки.

За  ова се договорија повеќе здруженија прирустни на состанокот:  БОРКА, ЖИВОТ СО ПРЕДИЗВИЦИ, Национално здружение за МС, Здружение за  ХМЛ, Сојуз на здруженија на дијабетичари на Македонија, НЕФРОН, ХЕПАР центар, ПЕПЕРУТКА, Алијанса на Пациентски Организации – АПО.

Тие се надеваат дека ќе бидат земени предвид нивните предлози и бараат да се одржи состанок со претставници на здруженијата, Комисија за заразни болести и Министерство за здравство.

Доколку преземете содржина од оваа страница, во целост сте се согласиле со нејзините Услови за користење.