21.8 C
Skopje
петок, март 29, 2024

Зеленски лут на ИОК: Не можете да бидете неутрални

Украинскиот претседател Володимир Зеленски денеска во разговор со претседателот на Меѓународниот олимписки комитет (ИОК) Томас Бах изјави дека во војната против руските окупатори од 24 февруари досега во земјата загинале 184 украински спортисти.

Зеленски се обидел да му објасни на Бах зошто Киев се противи на учество на руски спортисти на Олимписките игри што ќе се одржат во Париз во 2024 година, соопшти кабинетот на украинскиот претседател.

Претседателот на ИОК, претхоно има изјавено дека учеството на руските и белоруските спортисти на Олимписките игри во 2024 година „се уште е под знак прашалник“.

Украина е разочарана од, како што рече, „намерата на ИОК да им дозволи на Русите и Белорусите да се натпреваруваат под неутрално знаме“, рече Зеленски.

-Не можете да бидете неутрални кога се уништени самите основи на мирниот живот, а се игнорираат универзалните човечки вредности. Праведен одговор на таквите дејствија може да биде само целосна меѓународна изолација на терористичка држава. Особено, ова се однесува и на меѓународни спортски натпревари, рече Зеленски.

Доколку преземете содржина од оваа страница, во целост сте се согласиле со нејзините Услови за користење.