Во Бугарија денеска почна националниот протест на земјоделскиот сектор. Во него ќе учествуваат близу 25 организации, а причина за тоа е одлуката за укинување на забраната за увоз на жито од Украина.
На демонстрациите ќе учествуваат производители на овошје и зеленчук, како и пчелари. Главните патишта и граничните премини се очекува да бидат затворени. Има повеќе од 35 пунктови каде се собираат незадоволните, а нивните барања се да се продолжи забраната и да се добијат дополнителни средства од државата.
Министерството за внатрешни работи ги мобилизира сите свои ресурси за заштита на протестите во државата.
Доколку преземете содржина од оваа страница, во целост сте се согласиле со нејзините Услови за користење.