Жена бомбаш се разнела во париското предградие Сант Дени за време на полициската акција што од утрово од 4.00 часот се спроведува во француската престолнина.
Според најновите информации од француските медиуми, убиени се тројца снајперисти, а ранети се тројца полицајци. Како што јавуваат странските медиуми, полицијата успеала да уапси три лица чиј идентитет се уште не е познат.
На лице место има многу полиција и возила на Брза помош.
На жителите од тој дел на градот им е препорачано да останат во домовите и да се засолнат од прозорите. Дел од нив се евакуирани.
Полицијата се сомнева дека групата се состои од двајца или тројца терористи кои се забарикадарани во еден стан. Меѓу терористите се претпоставува дека е мозокот на нападите од Париз, Абделхамид Абауд, за кого постои уверување дека сеуште е жив.
Како што соопштуваат странските медиуми, најверојатно жената што утрово се саморазнесе е негова сопруга и дека исто така учествувала во седумте синхронизирани напади од петокот.
Се претпоставува дека во станот е и Салах Абдеслам по кого беше распишана меѓународна потерница. Според сведоци, имало интензивни пукотници и дурти седум силни експлозии, најверојатно предизвикани од жената бомаш што се саморазнесе и во целата ситуација нема заложници.
Како утрово изгледа престолнината на Франција, погледнете на следниот линк.
