Жената силувана од Полански ќе побара прекин на судењето

Жената, која беше силувана од Роман Полански кога имала 13 години, ќе побара денес од судијата во Лос Анџелес да го прекине судењето на францускиот режисер со полско потекло.

Саманта Гејмер која сега има 54 години, ќе се појави со нејзиниот сопруг во Врховниот суд во Лос Анџелес за да го поддржи барањето на режисерот, според кое тој веќе ја платил казната за своето злосторство извршено во 1977 година, изјави неговиот адвокат Харланд Браун.

Браун рече дека Гејмер е уморна од оваа афера, која трае веќе 40 години и сака да и стави крај.

Полански призна дека имал секс со малолетно девојче и поминал 42 дена во затвор, по што беше ослободен. Во 1978 година убеден дека судијата ќе го поништи договорот и ќе се обиде да го стави зад решетки за подолго време,  добитникот „Оскар“ избега во Франција и до денденес се крие од американското правосудство.

Доколку преземете содржина од оваа страница, во целост сте се согласиле со нејзините Услови за користење.