Зголемен раст на Американскиот БДП за рекордни 33,1 проценти во третиот квартал

60

Бруто домашниот производ на САД порасна за рекордни 33 во третиот квартал, што е 1 процент во однос на истиот период минатата година, објави Министерството за трговија.

Кварталот пред ова се сметаше за најлош во историјата на Америка (имаа пад од 31,4 проценти), но откако започна постепеното отворање во федералните држави, луѓето и продавниците почнаа да се будат. Тоа доведе до најголем раст на американската економија од 1947 година, откако владата ги собра тие податоци.

Претходниот рекорд беше поставен по Втората светска војна, во првиот квартал од 1950 година, и тоа претставуваше економски раст од 16,7 проценти, пишува CNBC.

Првичните проценки на Министерството за трговија на САД велат дека економијата во голема мера ги надокнади огромните загуби што ги забележаа за време на првичниот бран на пандемијата.

Интересно е што податоците доаѓаат пет дена пред изборите во Америка, имајќи предвид дека ваквите резултати одат во прилог на Доналд Трамп, особено затоа што ривалскиот кандидат Џо Бајден, го критикуваше дека ја доведе земјата во пропаст поради лошото управување со кризи.

Факт е дека бројките покажуваат дека американската економија навистина силно закрепна по укинувањето на ограничувачките мерки, што секако го забележа Трамп, кој исто така коментираше на својот Твитер.

Доколку преземете содржина од оваа страница, во целост сте се согласиле со нејзините Услови за користење.