Жителка на округот Медисон, во американската сојузна држава Илиноис, случајно во плакарот од својот дом го открила мимуфицираното тело на нејзиниот сопруг осум месеци по неговото исчезнување, објави во четвртокот весникот The New York Post.
Џенифер Мејџ, го пријавила за исчезнат својот сопруг попладнето на 27-ми април 2022 година. Таа на полицијата во местото Троја ѝ рекла дека последен пат разговарала со него претходниот ден. Ричард Мејџ ѝ се јавил на сопругата и рекол дека ќе си замине од работата порано. Кога неговата сопруга пристигнала дома, Ричард не го нашла во домот, но неговиот автомобил бил паркиран надвор, а паричникот и клучевите му биле оставени.
Полицијата покренала истрага, но досега не биле откриени никакви траги. Интересно, и во неколку претреси во домот, исто така, не било откриено ништо.
Меѓутоа, на 11-ти декември, осум месеци по пријавувањето на исчезнувањето, Американката случајно открила мумифицирано тело, на нејзиниот сопруг, кога сакала од еден од плакарите да ги извади божикни украси.
Во меѓувреме, Мејџ признале дека и таа и нејзините соседи, па дурии полицајците, забележале лоша миризба кој се чувствувал во зградата неколку месеци, но сметале дека изворот е неисправна канализација. Жената, инаку, повторно ја повикала полицијата кога реата се чувствувале сѐ поинтензивно.
Била повикан и водоводџија, кој мирисот во куќата го опишал како канализациски гас, рекол полицискиот началник Нот Роџерс. Била извршена поправка на една од канализационите цевки во подрумот, по што се чинели дека е елиминирана миризбата во објектот.
Полицајците кои учествувале во истрагата го опишале домот на сопружниците како „пренатрупано складиште“ од кое се шири лош мирис „како од канализација“, што ја отежнувало целосната потрага по исчезнатото лице. Според самата Мејџ, мирисот не ѝ изгледал неподнослив.
Во телефонско интервју за каналот KTVI, Роџерс објасни дека телото на Мејџ не напреднало во распаѓањето и дека е во мумифицирана состојба. Телото ја достигнува фазата на мумификација кога течностите се сушат или ќе бидат отстранети од организмот. Роџерс рекол дека мумифицираното тело можеби немало силен мирис, што би објаснило зошто било потребно толку време за да се најде Ричард Мејџ.
Локалниот телевизиски канал Fox59 во врска со случајот извести дека подоцнежната детална медицинска експертиза, од која резултатите биле објавено во четвртокот, покажала дека сопругот Ричард Мејџ извршил самоубиство. Аутопсијата не покажала дополнителни или насилни повреди на телото, се додава.
