Зошто Русите се се’ посреќни?

40

Русите се се’ посреќни, покажало најново социолошко истражување на Серускиот центар за истражувања на јавното мислење.

Анкетата покажала дека чувството на среќа меѓу Русите моментно е највисоко во изминативе 25 години.

За среќни се сметаат дури три четвртини од Русите, а нивните среќни чувства особено се зголемиле во изминативе две години, покажало истражувањето. Според анкетата, среќата меѓу руската популација е најприсутна во периодот помеѓу 18-та и 24-та година од животот и меѓу оние кои имаат високо образование.

Истражувањето уште еднаш потврдило дека на Русите најмногу за чувството на среќа им значи среден семеен живот – секој трет анкетиран токму средениот семеен живот го навел како главна причина за среќа.

Покрај ова, испитаниците навеле дека среќни ги прави и ситуацијата на работното место.

Оние, пак, кои рекле дека се несреќни, главна причини за таквото нивно изјаснување ги навеле своите ниски приходи и болестите.

Доколку преземете содржина од оваа страница, во целост сте се согласиле со нејзините Услови за користење.