Околу четиристотини земјоделци кои не можеле да остварат право на старосна пензија, од годинава ќе можат да го докупат стажот што им недостига.
Според новите законски решенија, ќе им се пресметува и старосното осигурување од 1978 до 1988 година, а бенифицирано ќе можат да ги откупат годините по 1989 за да го исполнат минимумот од 15 години за право на старосна пензија.
Законското решение беше предложено од владата во август минатата година, по што влезе во собраниска процедура и беше поддржано од пратениците.
Со законот им се излегува во пресрет на барањата на здруженијата на земјоделците, синдикатите и голем број граѓани, кои се соочувале со проблемот да остварат старосна пензија.
За оваа мерка Владата на годишно ниво ќе издвои околу 34 милиони денари.
