Швајцарецот Роже Федерер остана без круна во Рим, трофеј кој му недостига во кариерата, откако вчера загуби од првиот светски рекет Новак Ѓоковиќ, иако Федерер пред мечот најавуваше дека има шанси за победа.
Иако помалку и арогантно посочи дека Ѓоковиќ не е Надал за така доминантно да одигра на земја, Србинот сепак лесно и без проблем (6:4, 6:3) го победи Швајцарецот и повторно се израдува на пехарот во Рим. За Ѓоковиќ ова е 53-ти трофеј, односно 24-ти во мастерс-серијата.
“Ова беше сјајна недела и среќен сум што пак можев да играм. Новак едноставно беше – пресилен! Секоја чест, продолжи така. Им благодарам на навивачите, неверојатни се секојпат кога играм. Се надевам дека ќе се видиме следната недела”, рече Федерер.
