Целиот државен врв присуствуваше на премиерата на “До балчак“ во режија на Столе Попов.
Претседателот Ѓорге Иванов, претседателот на Собранието Трајко Вељаноски и премиерот Никола Груевски со сопругите, како и министерката за култура Елизабета Канческа – Милевска, министрите за здравство, за внатрешни работи, за надворешни работи…
Филмот по проекцијата беше награден со бурни аплаузи, а пред посетителите се поклонија речиси сите актери и голем дел од екипата, на чело со режисерот Столе Попов.
По премиерата која траеше речиси до полноќ, пред кино “Милениум“ беше организиран коктел каде присуствуваа речиси сите политичари кои беа на проекцијата.
За почеток, за “До балчак“ може да се каже дека е визуелно извонредно интелигентен филм со исклучителни актерски улоги.
Филмот игра на редовниот репертоар во кино “Милениум“, ќе започнат проекции и во “Синеплекс“ како и во поголем дел од градовите низ Македонија.