Спорт

Ѓорческа „граби“ кон првите 300 на ВТА листата

Ѓорческа „граби“ кон првите 300 на ВТА листата
Ѓорческа се закити со двојна круна на фјучрсот во Анталија

Најдобрата македонска тенисерка Лина Ѓорческа повторно забележа рекорден ранкинг во кариерата на најновата ВТА листа што излезе денеска.

Благодарение на пласманот во 1/16 финалето на турнирот во Бурса, таа заработи пет поени и се искачи за три места, па сега се наоѓа на 351-ва позиција на листата во поединечна конкуренција. Истото се однесува и за двојки каде Ѓорческа напредуваше дури 22 места и сега е 255-та. Во однос на почетокот на сезоната, нашата најдобра тенисерка има скок од 53 позиции во сингл и 79 во двојки.

Прогрес забележа и втората Македонка на ВТА листа, Магдалена Стоилковска која се искачи за 17 места и сега е 1.211-та. Сепак, тоа не е нејзин најдобар пласман бидејќи пред крајот на април годинава беше на 1.203 позиција.