Изложбата Збирка на фотографии за Босфорот од средината на 19 век до 20 век наречена „Од Константинопол до Истанбул“ ќе биде отворена вечерва во Националната галерија во Скопје и ќе може да се погледне до 30 март.
Изложбата организирана во рамки на проектот „Меѓукултурен уметнички дијалог Турција-Балканскиот Полуостров“ во соработка со Пера Музејот на Фондацијата на Суна и Инан Крач, Истанбулското Здружение за меѓукултурна уметничка соработка ИКАДС и Институтот Јунус Емре е подржана од Националната Комисија на УНЕСКО на Турција.
Изложбата „Од Константинопол до Истанбул“ – од средината на 19. век до 20. век го претставува некогашниот Истанбул со грандиозните објекти,секојдневниот живот и интересните личности. Изложбата под кураторство на М. Синан Геним ги претставува делата на мајсторите на фотографијата од тоа време. Оваа изложба е подготвена од Колекцијата на фотографии на Фондот Суна и Инан Крач.
Претходно изложбата беше претставена во Сараево и во Тирана.
