среда, 29 март 2017  |  Вести денес: 0

Израелски хакери дојдоа до списокот со целите на Исламска држава

Islamic State Jihadists expand foothold in northern Iraq

Последни вести

Израелска ИТ компанија хакираше заштитен канал, по кој терористичката организација Исламска држава ги разменува информациите, пренесува Танјуг.

Вработени во израелската компанија за собирање информации во кибер просторот „Инсаитс“, специјализирана за барање податоци во т.н. „црна зона“, успеале под туѓи имиња да влезат во затворена група од 500 приврзаници на ИД, каде пронашле и насоки за нови терористички напади.

ИД, по правило, не дава конкретни насоки за изведување на терористички напади, наведува „Спутњик“ и прецизира дека наместо тоа, организацијата објавува соопштенија за нови напади од општ карактер, знаејќи дека има доволен број на оние кои ќе бидат подготвени да ги изведат.

Според информациите од израелската фирма, пред три месеци бил објавен список на посакувани цели, на кој се наоѓала и црква во Нормандија, која подоцна беше цел на напад.

Во затворената група на приврзаници на Исламска држава може да се влезе само со препорака на некој од членовите на групата.

„Спутњик“ наведува дека неодамна бил објавен нов список со цели со конкретни координати, а во него се наоѓале аеродроми кои американската војска ги користи за бомбардирање на цели на ИД на Блискиот исток.

Најчитани вести