четврток, 27 јули 2017  |  Вести денес: 43

Ќе побара ли Јанева притвор за Верушевски и Заев за „Пуч“?

Zaev-Janeva-Verusevski-640x341

Поврзани вести

Лидерот на СДСМ, Зоран Заев, и поранешниот директор на Управата за безбедност и контраразузнавање (УБК), Зоран Верушевски, повторно ќе седнат на обвинителна клупа во случајот „Пуч“, откако Апелацискиот суд Скопје ја уважи нивната жалба на одлуката на Кривичниот суд за запирање на судската постапка, по аболицијата од страна претседателот Ѓорге Иванов од 12 април годинава, објави Мета.

Апелацискиот суд утврдил дека жалбата на обвинетите е основана и дека по поништувањето на аболицијата нема никакви правни пречки предметот да се врати на натамошно судење во Кривичниот суд.

Апелацискиот суд Скопје до Основниот суд Скопје 1 достави решение со кое жалбата на обвинетите З.В., С.В., З.З. и Б.П., кои се дел од предметот КОК бр. 77 /15 ,во јавноста познат како „Пуч“, изјавена преку нивниот бранител, против решението на судијата за запирање на постапката за конкретниот предмет, се уважува и предметот се враќа на понатамошно постапување. Второстепениот суд утврдил дека Кривичниот суд не ги повредил одредбите од кривичното материјално и процесно право кога донел решение за запирање на постапката за конкретниот предмет бидејќи во времето на донесување на решението во правниот поредок егзистирала одлуката на претседателот на Република Македонија за помилување – ослободување од понатамошно гонење без спроведување постапка за обвинетите. Но, имајќи предвид дека со повлекување на аболицијата, односно одлуката на претседателот на Република Македонија за помилување – ослободување од понатамошно гонење, се поништуваат и правните последици кои настанале со донесување на одлуката и се воспоставуаат правните односи и состојби што постоеле пред донесување на овој акт, второстепениот суд постапувајќи по службена должност утврдил дека жалбата е основана и предметот се враќа на понатамошно постапување во првостепениот суд, стои во соопштението на Основниот суд Скопје 1 за одлуката на Апелацискиот суд.

Предлог за укинување на решението на Кривичниот суд за запирање на кривичната постапка за случајот „Пуч“, со барање таа да продолжи понатаму, до Апелацискиот суд Скопје достави и Специјалното јавно обвинителство, во чија надлежност е овој предмет.

Останува отворено прашањето дали специјалната обвинителка Катица Јанева ќе побара притвор за Заев и Верушевски или повторно ќе бара начин да ги спасува како до сега?

Јанева до сега неколку пати ги спасуваше Заев и првоосомничениот во случајот „Пуч“ Верушевски со одложувањето на судењето на опозицискиот лидер и поранешниот разузнавач.

Претходно пак, претседателот на СДСМ не се појавуваше на судењето за „Пуч“, а специјалната јавна обвинителка Катица Јанева без никакво образложение одлучи да го ослободи од притвор првоосомничениот во случајот Зоран Верушевски.

Покрај Заев и Верушевски, кој е првообвинет, во случајот „Пуч“ обвинети се и неговата сопруга, Соња Верушевска, и Бранко Палифров, службеник во Општина Струмица. Четворицата обвинети во „Пуч“ се товарат за шпионажа, насилство врз преставници на највисоките државни органи, неовластено прислушување и за тонско снимање.

Најчитани вести