Од вчера и во текот на денешниот ден не е пријавен друг случај со слични симптоми на ебола.
Ова денеска го изјави раководителот на Секторот за превентивна здравствена заштита, Јованка Костовска.
Таа истакна дека Министерството за здравство е подготвено да се соочи со секаква ситуација.
Телото на починатиот со слични симптоми на ебола е ставено во специјален лимен сандак во посебна просторија, која е дезинфицирана.
Во хотелот постојано има медицински надзор, се разговара со сите 25 луѓе во карантинот и се следи нивната здравствена состојба.
Луѓето се смирени и не се исплашени, а сите се во добра здравствена состојба.
Лекарите кои го донеле пациентот од хотелот исто така се под надзор на Клиниката за инфективни болести и станува збор за околу десетина медицински лица.
Костовска истакна и дека од вчера немало ниту еден случај некој доброволно да се пријави за карантин.
Телото на починатиот не е дадено на обдукција, туку само се испратени материјали на клиниката во Хамбург, а резултатите би требало да пристигнат во сабота попладне.