понеделник, 29 мај 2017  |  Вести денес: 19

Меркел: Акциониот план на ЕУ и Турција е приоритет

Не само што го потврдивме Акциониот план на ЕУ и Турција, туку и го прогласивме за приоритет, рече германската канцеларка Ангела Меркел рано изутринава, по повеќечасовните разговори со лидерите на 28-члената Унија во Брисел.

Angela-Merkel--007

Поврзани вести

Не само што го потврдивме Акциониот план на ЕУ и Турција, туку и го прогласивме за приоритет, рече германската канцеларка Ангела Меркел рано изутринава, по повеќечасовните разговори со лидерите на 28-члената Унија во Брисел.

Како што рече таа земјите-членки на Европската унија со сите сили го поддржаа заедничкиот план со Турција за ограничување на приливот на бегалци во Европа.

Денеска имам да соопштам нешто важно, а тоа е дека не само што го потврдивме Акциониот план на ЕУ и Турција, туку и го прогласивме за приоритет, рече Меркел, говорејќи за планот за заштита на надворешните граници на Унијата, стопирање на приливот на мигранти и сузбивање на илегалната миграција.

Таа нагласи дека и Австрија го поддржала планот и покрај нејзината еднострана одлука да воведе дневни ограничувања при влезот на бегалците и мигрантите на австриска територија, пренесува Танјуг.

Во Европа сите секогаш сме партнери, нагласи Меркел.

Таа порача и дека лидерите на ЕУ сакаат да постигнат договор со цел Велика Британија да остане во Унијата.

Постои желба Велика Британија да се задржи во составот на ЕУ. Стана јасно дека спогодбата за таа цел за многумина нема да биде лесна, но таа желба постои, рече Меркел.

Најчитани вести