Конечно се познати можните противници на Вардар во осминафиналето од Лигата на шампионите.
Висла Плок (Полска), Данкерк (Франција) и Загреб (Хрватска) се тимовите кои завршија на третото место во своите групи и, судејќи според изданието на Вардар против Рајн Некар, ќе се молат да ги избегнат “црвено-црните” во осминафиналето од ракометната Лига на шампиони.
Најпосакуван противник во таборот на “вардарци” секако е Загреб, не само поради тоа што добро го познаваат тимот, туку и самиот факт што се предводени од поранешниот стратег на Вардар и миленик на “комитите”, Веселин Вујовиќ што ветува одличен и темпераментен двомеч.
