Променливо облачно време со кратки сончеви периоди не очекува во текот на денешниот ден. Ќе дува умерен, а долж Повардарието и во источните делови засилен ветер од северен и северозападен правец.
Утринската температура ќе биде во интервал од 9 до 14, а дневната од 17 до 24 степени.
Променливо облачно и во Скопје
Променливо облачно време со кратки сончеви периоди ќе преовладува и во Скопје. Утринската температура ќе биде околу 11, а дневната ќе достигне до 21 степен.
Следува период на релативно студено време
Во наредните денови во Македонија ќе преовладува променливо облачно време со сончеви периоди, но ќе биде релативно студено за овој период од годината.
До среда се очекува да дува умерен наместа засилен северен и северозападен ветер. Од четврток ветерот ќе го промени правецот од југоисток, а температурата на воздухот ќе има тенденција на постепен пораст. Од среда кон крајот на денот ќе има услови и за локален краткотраен дожд.
