Македонија

Се асфалтира дел од регионалниот пат Струмица – Ново Село – граница со Бугарија

Се асфалтира дел од регионалниот пат Струмица – Ново Село – граница со Бугарија

Директорот на ЈП за државни патишта Александар Стојанов и градоначалникот на општина  Ново Село Блаже Велков, денес извршија увид во градежните работи на регионалниот пат Струмица – Ново Село – граница со Бугарија каде што во тек е асфалтирање на делницатата која поминува низ населеното место Ново Село.

Се врши надградба на патот во должина од околу два километра во вредност од 15 милиони денари, средства од буџетот на Јавното претпријатие за државни патишта.

Активностите за надградба на регионалниот пат  Струмица – Ново Село – граница со Бугарија во должина од 10 километри почнаа минатата година. Проектот  е повеќегодишен и е имплементирен во Програмата за одржување на ЈП за државни патишта, како проект на Владата на Република Македонија. Проектот ќе продолжи  во наредните две години за што ќе бидат инвестирани вкупно 60 милиони денари.