Уште на самиот почеток од работењето, СЈО преку јавната обвинителка Фатиме Фетаи, го најави и го поддржа она што лидерот на СДСМ, Зоран Заев веќе подолг период го промовира, а тоа е прашањето на двојазичноста.
За потсетување, Фатиме Фетаи на албански јазик го бранеше Бошковски за пазарењето со уставното име на Македонија.
Со актерски перформанс по воведот на Македонски јазик, Фетаи продолжи да говори на Албански и испрати порака дека сите што го продаваат името ќе бидат заштитени од Јанева и Заев.
СДСМ, спроведувајќи ги на дело ставовите, постави двојазични табли на партиски штабови.
Зоран Заев пред албанските иселеници отворено ја критикуваше Македонија и застана во одбрана на Косово, Албанија, Грција, Бугарија и Србија, а таму не заборави да го спомене и прашањето за двојазичност.
-Јас сум истиот Зоран Заев, кој што ја отвори јавно употребата на јазиците во Македонија и еднаквоста и рамноправноста во државата. Јас сум истиот тој што го гледавте и по Фејсбук и по телевизии кој отвори штабови во Арачиново и Чегране. Македонија ја замислувам, ако знаеме кинекси, кинески да се разбереме, ако знаеме англиски, англиски да се разбереме, француски- француски, албански- албански, македонски- македонски, да се ослободиме, рече Заев.
