Вкупно 239 лица од сите градови на Македонија се јавиле во изминативе два дена на телефонската линија за медицински совети „Ало докторе!“ .
Како што известуваат од ЈЗУ Здравствен Дом Скопје на први ноември на линијата „Ало докторе!“ медицински совети ќе даваат уште 5 доктори од кои тројца се специјалисти што значи дека 22 доктори специјалисти вкупно ќе се достапни за граѓаните 24 часа за соодветна здравствена услуга преку здравствен совет и соодветна симптоматска терапија.
На сите граѓани поради здравствената состојба за која ја побарале линијата „Ало докторе!“ од страна на дежурните доктори специјалисти им е даден медицински совет, ако било потребно и симптоматска терапија.
Во најголем број јавувањата од страна на граѓаните за медицински совет на телефонската линија 15123 – „Ало докторе!“ биле за здравствени совети во врска со кашлица, стомачни тегоби, високи телесни температури.
Директорката на клиниката за анестезија, реанимација и интезивно лекување (карил) ќе биде дежурна денес од 18 ч до 22ч во кол центарот „Ало докторе!“, а утре на 01.11.2014 година за медицински совет ќе биде достапен Проф. Д-р. Антони Новотни директор на клиниката за психијатрија.