Израелската полиција истражува повеќекратни експлозии што се случија во три автобуси во Бат Јам, град јужно од Тел Авив.
Според првичните информации се сомничи терористички напад.
Инцидентот се случил вечерва, а експлозии биле пријавени на различни паркинзи низ градот.
Засега нема информации за повредени, а автобусите биле празни.
На местото на настанот се распоредени силни полициски сили, а потрагата по осомничените е во тек, јавуваат израелските медиуми.
Полицијата го пребарува теренот за дополнителни сомнителни предмети.
На возачите на автобуси долж Израел им беше наредено да ги запрат своите линии и да ги прегледаат возилата за сомнителни предмети.
Говорејќи за локалниот телевизиски канал Канал 12, началникот на израелската полиција рече дека користените бомби биле темпирани и биле нестандардни експлозиви.
Портпаролот на израелската полиција Аси Ахарони за ТВ Канал 13 изјави дека во уште два автобуса биле пронајдени експлозиви.
Кабинетот на премиерот Бенјамин Нетанјаху во соопштение додаде дека неговиот воен секретар го информирал за ситуацијата и дека наскоро ќе изврши безбедносна проценка.
