Администрацијата на америкаскиот претседател Доналд Трамп ја укина наредбата од времето на неговиот претходник Џо Бајден, со која од неа се бараше да пријави прекршување на меѓународното право поврзано со оружјето што САД им го испорачале на сојузниците, вклучително и на Израел, изјавија во понеделникот двајца американски претставници.
Според Reuters, станува збор за Меморандум за национална безбедност-20, потпишан од поранешниот претседател Џо Бајден во февруари 2024 година поради критиките за употребата на американските бомби од страна на Израел во војната во Газа. Меморандумот бараше од владата на САД да подготви извештаи за Конгресот за употребата на американското оружје од страна на други земји.
Од администрацијата на Трамп би се барало во наредните месеци да поднесе извештај до Конгресот за сопствената проценка за однесувањето на Израел.
Американскиот сенатор Крис Ван Холен од сојузната држава Мериленд, клучен заговоник за надзор на Конгресот на продажбата на оружје од САД, рече дека одлуката за отповикување е „срамна“.
„Тоа е лоша услуга за нашата национална безбедност, глобалните човекови права и нашата положба во светот“, рече Ван Холен.
