Тепачка меѓу мигранти избила вчера во прифатниот центар на стадионот „Палео Фалиро“ кај Атина.
Полицијата притоа привела повеќе од 100 лица.
Судирот избил вчера откако една група Мароканци уценувала други бегалци, нудејќи им заштита за пари. Исто така, тие им се заканувале дека доколку ја одбијат заштитата ќе се „соочат со физичка казна“, пренесе „Раша тудеј“.
Грчкиот министер за прашањата на миграцијата, Јанис Музалас, за ТВ станицата „МЕГА“ изјави дека група Мароканци „ги уценувала луѓето да им дадат пари или дека во спротивно ќе бидат избркани од центарот“.
Откако повеќето од бегалците ја одбиле оваа „понуда“, уценувачите ги нападнале.
Како што наведуваат грчките медиуми, во тепачката биле искрешни прозорци, како и мебел од центарот.
Музалас наведе дека во овој центар се сместени економски мигранти и дека е познато дека некои од нив „сториле кривична дела“. Меѓу нив има државјани на Мароко, Алжир, Јемен, Еритреја.
Полицијата привела над 100 лица, на кои сега им се заканува депортација од Грција.