Колку би добиле како субвенција од Владата доколку се решите да земете кредит меѓу 20.000 и 50.000 евра.
„Пресс24„ направи пресметка колку би била вашата рата во првите 8 години, додека трае субвенцијата на владата според која таа ви плаќа 80% од месечната рата, потоа пресметано е колку ќе треба да плаќате месечно во наредните 3 години додека субвенцијата е 50% од ратата и колку ви преостанува да плаќате во наредните 9 години кога немате субвенции.
Направена е пресметка и колку ќе добие банката како камата и колку ќе вратите заедно со Владата откако ќе го исплатите целиот кредит, по 20 години. Во пресметките користена е средна, просечна годишна каматна стапка од 5,76 проценти за цело време на исплаќање на кредитот за да може да се направи попрецизна пресметка. Каматата во првите 3 години ќе биде 3,9% а во наредните две околу 4,5% а потоа, за цело време на исплаќање на кредитот, односно во останатите 15 години, каматата би била околу 6,5% колку што се моменталните камати во банките за станбени кредити.
