Предводени од Леброн Џејмс, Кавси рутински си ја завршија задачата со екипата која на 29 меча забележа досега само една победа.
Кај Кливленд се врати и Кајри Ирвинг, кој за 17 минути на теренот запиша 12 поени и четири асистенции.
Џејмс постигна 23 поени, дополнети и со пет скока, додека Метју Делаведова постигна 20 поени. На спротивната страна, Нерленс Ноел дуелот го заврши со 15 поени и 12 скока.
Гостите беа успешни на синоќешните дуели, а победи остварија Милвоки, Атланта, Сакраменто и Њу Орлеанс.
Дејвис со 27 поени, за само 20 минути игра, ги водеше Пеликанс до победа во Денвер од 130:125, Сакраменто победи со дури шест играчи со двоцифрен ефект во тимот, а Атланта на Флорида беше подобра од Орландо со 103:100, благодарение на “распуканиот” Кајл Корвер.
НБА Резултати:
Бруклин – Минесота 85:100
Мајами – Портланд 116:109
Кливленд – Филаделфија 108:86
Феникс – Милвоки 95:101
Орландо – Атланта 100:103
Торонто – Сакраменто 94:104
Денвер – Њу Орлеанс 125:130
