Несторовски доби 36 гласови и беше втор во изборот, зад најдобриот фудбалер во Хрватска, Марин Томасов од Риека, соиграчот на Стефан Ристовски и Леонард Жута. Томасов доби 66 гласови, додека трет на листата, зад Несторовски беше Марко Пјаца, фудбалерот на загрепски Динамо.
Несторовски во оваа сезона е најдобриот стрелец во хрватската лига со 13 погодоци, а минатата сезона постигна 24 голови во дресот на Интер Запрешиќ и беше најдобар стрелeц во втората хрватска лига.
Неговите добри игри есенва му обезбедија и место во македонската репрезентација.
