Пред стартот на Европското првенство во ракомет во Данска (12 – 26 јануари ) голем број на ѕвезди го откажаа својот настап. Ракометната фантазија во Данска без овие ракометари нема да биде комплетна, бидејќи дел од нив не успеаја да ја санираат повредата , а дел одлучија да се збогуваат од националниот дрес.
Токму ова беше причината реномираниот интернет портал “Планет – Хендбал” да ја состави листата на најголемите десет ѕвезди кои ќе го пропуштат ЕП во Данска. Меѓу најголемите 10 ѕвезди кои нема да играат на првенството е и македонскиот среден бек Наумче Мојсоски.
Континенталниот собир ќе го пропуштат: Николај Маркусен (Данска) Ласло Наѓ (Унгарија), Ким Андерсон (Шведска)Хавиер Бараше (Франција)Блаженко Лацковиќ (Хрватска), Марцин Илиевски (Полска), Арпад Штербик (Шпанија), Александар Петерсон (Исланд), Наумче Мојсоски (Македонија) и Тимур Дибиров (Русија).
