Централниот дефанзивец на актуелниот шампион на Англија, Манчестер Јунајтед, Рио Фердинанд откри дека на крајот од актуелната сезона ќе ја донесе толку очекуваната одлука дали и понатаму ќе биде дел од фудбалскиот свет или ќе стави крај на богатата професионална кариера.
“Во овој момент не можам да дадам одговор на прашањето дали ќе играм фудбал и во следната сезона. И кога ќе ставам крај на мојата богата кариера, јас се гледам како дел од фудбалскиот свет. Можеби за неколку години, ќе бидам и менаџер на некој клуб кој се натпреварува во англиската Премиер лига”, изјави поранешниот репрезентативец на Англија кој на крајот од актуелната сезона ќе има статус на слободен фудбалер.
