Европската унија (ЕУ) уште еднаш изрази загриженост за новиот закон во Турција за ограничувања на интернетот, наведени во новоусвоениот закон од Меџлисот , објави новинската агенција „Чихан“.
Министерот за надворешни работи Ахмет Давутоглу и министерот за евроинтеграции и главен преговарач на Турција со ЕУ, Мевлут Чавушоглу, го посетија Брисел за прв пат по усвојувањето на контроверзниот закон и се сретнаа со европскиот комесар за проширување и европска политика за соседството Штефан Филе. По средбата еврокомесарот посочи во писмена изјава дека за време на разговорите е посветено посебно внимание на важноста на независноста на судството и биле разменети мислења за ново усвоениот закон во земјата.
Членот на Комисијата за граѓански слободи, правда и внатрешни работи, Јозеф Вајденхолзер, исто во писмена изјава ја повика турската влада да го повлече спорниот закон.
