Економскиот развој и привлекувањето инвестиции со кои ќе се отворат нови работни места ќе бидат приоритет на Ѓорге Иванов доколку тој по втор пат ја добие довербата на народот.
„И во следниот мандат, приоритет ќе биде економскиот раст и развојот на Македонија. Ќе продолжиме да работиме на привлекување нови странски инвестиции“, потенцираше претседателскиот кандидат на ВМРО-ДПМНЕ на денешниот митинг во Свети Николе.
Тој појасни дека сите нивни напори веќе ги даваат и првите плодови.
„Холандската компанија „ИД Балкан“ веќе почна да ја гради фабриката за производство на печурки во индустриската зона „Овче Поле“. Тоа ќе бидат 450 нови работни места. Уверен сум дека ќе има уште повеќе инвестиции за уште повеќе нови работни места, за луѓето да работат, да основаат семејства и да ја планираат иднината на своите деца“, рече тој.
